Orxan Ağazadənin “Məhbus” filmi Kannda!

 Orxan Ağazadənin “Məhbus” filmi Kannda!

Son günlərdə ölkədə baş verən hadisələrə görə məyus olsaq da, yaradıcı həmvətənlərimizin dünyadakı uğurlarını görmək və sizə təqdim etmək bizi qürurlandırır. Belə ki, rejissor Orxan Ağazadənin debüt layihəsi olan “Məhbus” Kann film festivalının Cinefodation La Residence-inə seçilmiş altı beynəlxalq layihə sırasındadır.

Filmin qəhrəmanı Rasim dostlarının zarafatının güdazına gedib qətl törətdiyinə görə həbs olunur. Azadlığa çıxdıqdan sonra doğma kəndinə sakit həyat sürmək niyyəti ilə dönən Rasim çox keçmir ki, həbsxanadan göndərilən elçinin təkidi ilə şəhərə dönməli olur. Tezliklə çıxılmaz vəziyyətə düşən Rasim özünü öldürmək qərarına gəlsə də, döyülən qapı səsi onu bu fikrindən yayındırır.

Orxan Ağazadənin filmləri haqqında saytımızda daha öncə yazılar yayımlamışdıq. Orxan Ağazadənin diplom işi “The Chairs” (Oturacaqlar) filmi Fransanın prestijli Anje Premyer Plan film festivalının rəsmi seçim siyahısına daxil olmuşdü. Ötən il 31-cisi keçirilən festival 25 yanvar – 3 fevral tarixlərində Fransanın Anje şəhərində keçirilmişdi. Həmin film martın 31-i Bakıda, Salaam Cinemada da yayımlanıb.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir