Qadın fotoqraflar üçün qrant müsabiqəsi elan olunur

 Qadın fotoqraflar üçün qrant müsabiqəsi elan olunur

Tbilisi Fotoqrafiya və Multimedia Muzeyi İnkişaf və Əməkdaşlıq üzrə İsveçrə agentliyi (SDC) tərəfindən maliyyələşən “Təhsil və innovasiya naminə Cənubi Qafqaz fotoqrafiya mərkəzi” layihəsi çərçivəsində Cənubi Qafqaz bölgəsini təmsil edən qadın fotoqraflar üçün ikinci açıq konkursunu elan edir.

 

Gürcüstan, Ermənistan və ya Azərbaycandan olan və fəaliyyətə yeni başlayan 7 qadın fotoqraf Multimedia Yaradıcılıq Laboratoriyası (Multimedia Production Lab) tərəfindən təqdim olunan qrantdan istifadə etmək imkanına malik olacaq. Qrant Cənubi Qafqazda ictimai problemləri və Cənubi Qafqazda yaşayan icmaları işıqlandıran fotolayihələrə ayrılacaq.

 

Tbilisi Fotoqrafiya və Multimedia Muzeyi tərəfindən yaradılmış “Təhsil və innovasiya naminə Cənubi Qafqaz fotoqrafiya mərkəzi” layihəsinin Multimedia Yaradıcılıq Laboratoriyası proqramının məqsədi isə Gürcüstan, Ermənistan və Azərbaycanla bağlı ictimai problemləri işıqlandıran və fotoqrafiyanı müxtəlif hekayələri çatdırmaq üçün güclü bir alət kimi istifadə edən gənc qadın fotoqrafların peşəkar kimi üzə çıxmasıdır.

 

Multimedia Lab Cənubi Qafqazda yerləşən 3 ölkənin qadın fotoqraflarına 800 ABŞ dolları həcmində prodakşn qrantları təqdim etməklə öz ölkələrində və ya Cənubi Qafqazda yaşayan yerli icmalar haqqında uzunmüddətli layihələr (6 ay-aya qədər) yaratmağa təşviq edir.

 

Ötən il Azərbaycandan iki iştirakçı bu qrantın qalibi olub – Gülnar Səlimova və Sitara İbrahimova. Siz də özünüzü sınaya və fotoqraf kimi uğurlu karyeranızın əsasını qoya bilərsiniz! Nümunə üçün baxa bilərsiniz:

 

Müraciətin necə edildiyini buradan öyrənmək olar:

Foto: Justina Mielnikiewicz/MAPS

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir