Susmamaq üçün nə edək?

 Susmamaq üçün nə edək?

Azərbaycanda zorakılıqdan əziyyət çəkən qadın və uşaqlar üçün “sus-ma.com” adlı yeni platforma yaradılıb. Könüllülər tərəfindən yaradılan bu platformanın məqsədi bu baş verən zorakılıq hallarını ifşa etmək və zorakılıqdan zərərçəkmişlərə yardım etməkdir. Layihədən “VarYox”a verilən məlumatda deyilir:

Hər il Azərbaycanda 100-dən çox qadın ailə-məişət zəminində qətlə yetirilir. Minlərlə zorakılıq halları isə şikayət olunmadan gizli qalır. Döyülən, zorlanmaya, təhdidlərə, təzyiqlərə məruz qalan qadınlar ehtiyacları olan dəstəyi ala bilmir. Yeni yaradılmış “sus-ma.com” saytının məqsədi bu baş verən zorakılıq hallarını ifşa etmək və zorakılıqdan zərərçəkmişlərə yardım etməkdir. Əgər sən də zorakılığa məruz qalmısansa və ya hələ də məruz qalmaqdasansa, anonim olaraq və ya öz adınla hekayəni paylaşıb dərc edə bilərsən. Beləliklə başına keçmişdə və ya hal hazırda gələn hadisələri ifşa etmiş, digər zərərçəkmişlərə zorakılıqdan qurtulmaq üçün yol göstərmiş və özün yardım almaq üçün müraciət etmiş olacaqsan. “sus-ma.com” vasitəsi ilə sən zorakılığın nə olduğu barədə, onun formaları barədə də öyrənə bilərsən. Saytın “Nə etməli?” bölməsində zorakılıq baş verdiyi zaman təhlükəsizliyin üçün görülməsi gərəkən tədbirlər, müraciət edilməsi gərəkən qurumlar və onların sənə göstərməli olduğu xidmətlər barədə ətraflı məlumat ala bilərsən.


Heç bir QHT, hərəkat, partiya, təşkilat və ya qurumun tərkib hissəsi olmayıb fərdi təşəbbüs məhsuludur. Fəaliyyət prinsipi gəlir güdməyən könüllülük üzərinə qurulub. Anonimlik tamamilə qorunur. Susma! Hekayəni danış!

[no_button style=”transparent” button_hover_animation=”rotate_text_and_icon” icon_pack=”font_awesome” fa_icon=”fa-globe” target=”_self” text=”SUS-MA.COM” link=”sus-ma.com”]

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir