Bəhruz Kəngərli

 Bəhruz Kəngərli

Azərbaycanın ən məşhur rəssam ailələrindən birində dünyaya göz açmış Bəhruz Kəngərli öz yaradıcı şəcərəsininin ənənəsini gənc rəssam kimi davam etdirir. Artıq gənc yaşlarından Bəhruzun yaradıcılığı öz təsdiqini tapıb – rəssam yeniyetmə yaşlarından əl işlərini sərgiləyir. Əzim Əzimzadə adına Dövlət Rəssamlıq Məktəbində və Azərbaycan Dövlət İncəsənət Akademiyasında təhsil alaraq Bəhruz Kəngərli incəsənət sahəsində magistr pilləsinə yiyələnib. O, əl işlərini artıq Bakıda və ölkə xaricində sərgiləyib – Türkiyə, Ukrayna, Rusiya, Almaniya və Bolqarıstan kimi ölkələrdə keçirilən tədbirlərdə iştirak edib. Bundan əlavə, 2009-cu ildə SOCAR-da (Azərbaycan Dövlət Neft Şirkəti) bir sıra fərdi sərgi təşkil edən rəssam, 2013-cü ildə Bakı Yaradıcılıq Mərkəzində, 2015-ci ilə “Kiçik Qala” İncəsənət Qalereyasında, 2017-ci ildə isə “Q Qalereya”da sərgilər reallaşdırıb. 2009-cu ildə Rəssamlar ittifaqının gənclər bölməsinin, 2017-ci ildə isə Rəssamlar ittifaqının əsas üzvü olub. Yaxın illərdə o, başqa gənc rəssamlarla birgə müxtəlif qrup sərgilərində iştirak edib. Ən son iştirak etdiyi tədbirlər arasında 2018-ci ildə Bakıdakı “Ağ Qalereya” və Müasir İncəsənət Mərkəzində baş tutan sərgiləri, həmçinin Naxçıvanda keçirilmiş Beynəlxalq İncəsənət Festivalını qeyd etmək olar. Əsas istiqamətinin rəssamlıq olmasına baxmayaraq, Bəhruzun 2018-ci ildə Azərbaycandakı Qala Rezervdə keçirilən “Tullantılardan İncəsənətə” adlı VII Beynəlxalq İncəsənət Festivalı kimi son layihələrində, yenidən emal edilmiş materiallardan istifadə edərək, instalyasiya incəsənəti çərçivəsində təcrübə aparması, onun estetik təcrübəsində yeni üfüqlər açmışdır.

 

Bir rəssam kimi, Bəhruzun üslubu ifadəli və emosionaldır. Bu üslub hərtərəfli rənglənmiş kətan üzərinə həkk olunan abstrakt formalarda sezilir. Onun psixologiyadan ilham almasını, 2015-ci ildə Kiçik Qala İncəsənət Qaleyerasında həyata keçirdiyi “Face Control” adlı fərdi sərgisində görmək olar. Orada Bəhruz Kəngərli yadda saxlayaraq öz şüurunun süzgəcindən keçirdiyi təsvirlər üzərindən çəkdiyi bir çox portretləri təqdim edir. Nəticədə, onun öz hissləri, təsvir etdiyi insanların daxili dünyaları ilə qarışmış olur. İşlərindəki mücərrəd və kubist istinadlar isə, adətən gözümüzün görmədiyi, insan təcrübəsinin daha qaranlıq və mürəkkəb təcrübəsini əks etdirir. Bəhruz digər işlərində də təsvir etdiyi obyektlərin psixologiyasını araşdırır. 2017-ci ildə “Q Qalereyası”da keçirilən “Cazın ritmi” adlı fərdi şousu çərçivəsində rəssam caz musiqisinin improvizasiya ruhunu, dəlisov parlaq fırça yaxıqları ilə dolu kətan üzərinə həkk olunmuş musiqiçilər və alətlər təsvir edən portretlər seriyası ilə əks etdirməyə çalışır. Yeri gəlmişkən, təsvir etdiyi obyektlər öz növbəsində, incəsənətin musiqi tutumunu formaları və hərəkətləri ilə ifadə edir. 2018-ci ildə “Ağ Qalereya”da keçirilən “Başlanğıcdan sona” qrup sərgisində isə Bəhruz yumşaq, tutqun palitrada təsvir olunmuş konseptual insan portretləri təqdim edir. Yuxuyabənzər təsvirlər, sanki şüuraltının dərinliklərindən peyda olub, onların qıraqları isə lay-lay boya ilə oyulub. Bəhruz Kəngərlinin yaradıcılığı yaddaşın bu nöqtələrini və onun emosional aspektlərini araşdıraraq, keçmiş həyəcanlarımızın hansı intensivlikdə bugünkü reallığımızı süzgəcdən keçirdiyini əks etdirir.

Bəhruz Kəngərli

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir