Treysi Emin – “Mənim çarpayım” instalyasiyası

 Treysi Emin – “Mənim çarpayım” instalyasiyası

Yəqin ki, Treysi Emin haqda eşitmisiniz. Çoxu onun adını “Mənim çarpayım” instalyasiyası ilə xatırlayır. Belə ki, əsər 1999-cu ildə mediada elə təqdim olunmuşdu ki, nümayiş olunduğu Tate Qalereyasının ziyarətçi sayı bütün dövrlərin rekordunu qırmışdı. Elə bu işi ilə həm də “Turner” mükafatına namizəd olub, üstəlik Venesiya Bienalında da nümayiş edilib. O, 2011-ci ildən Kral İncəsənət Akademiyasında professorudur və oranın ilk qadın müəllimidir.

Treysi 1963-cü ildə anadan olub. Uşaqlığı və gəncliyini Marqite əyalətində keçirib. Çətin keçən uşaqlıq dövrünü 13 yaşında həyatında olduqca ağır hadisə baş verib – zorlanıb. Onun əsərlərində də bu psixoloji travmanın izlərini görmək olur. İlk əsərləri praktiki olaraq bugünümüzə gəlib çatmayıb, çünki Emin 90-cı illərdə onları özü məhv edib. Hətta iki dəfə ağır abort prosesi keçirib. Bu müddəti özünün “emosional intihar” dövrü adlandırdı. Əsərlərinə özəl, bəzən də açıq, səmimi hisslərini yansıdır.

İlk yüksək səviyyəli layihələrindən birini o, 1995-ci ildə Londonda qrup sərgisində təqdim edib. “Nəvaxtsa yatdığım hər kəs”adlı instalyasiyası içi müxtəlif adlarla örtülmüş geniş mavi çadırdan ibarət idi. Provokativ adı olmağına baxmayaraq, Treysi burada sadəcə cinsi deyil, həm də ümumiyyətlə insanların yaxın münasibətlərini göstərir. Siyahıya öz sevgililəri ilə yanaşı, uşaq vaxtı eyni çarpayıda birgə yatdığı qohumlarının və iki doğulmamış uşağının da adını yazmışdı.

Onun digər işi 1999-cu ildə Londonda “Tate Modern” Qalereyasında təqdim etdiyi “Mənim çarpayım” instalyasiyasıdır. Yataq elə də cəlbedici görünmür. Mələfələrin üzərində sarı ləkələr, çarpayının üstündə və ətrafında boş siqaret qutuları, istifadə olunmuş prezervativlər və bezlər var. İnstalyasiyanın arxasındakı ideya isə şoka salacaq dərəcədə sadədir. O, sadəcə özünün yatdığı çarpayını yerləşdirib. Hansı ki, intihardan öncəki vəziyyətində bir neçə gününü bu çarpayıda keçirmişdi. 2014-cü ildə “Mənim çarpayım” instalyasiyası “Christie`s” hərracında 2.5 milyon avroya satıldı.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir