Ramin Kuliev – Overcast Head

Klassik, müasir, elektron musiqi elementlərindən ibarət miksləri sevən dinləyicilərə bəstəkar Ramin Kulievin 4 trekini təqdim edirik: Fear of loss, Hypnosis, Eternity, Overcast Head

Onun işləri klassik musiqi ənənələrini, müasir klassikanı, minimalizmi və müasir elektron musiqi nümunələrini əhatələyir. Musiqiçinin fikrincə, müəllifi olduğu treklər dinləyicilər tərəfindən hər zaman asanlıqla qəbul edilmir.

“Bəzi treklərimdə NASA-dan götürülmüş Yer və Saturn səslərindən istifadə etmişəm. Siz bu parçaları dinləyərkən kosmosa, fəzaya səyahət edə bilərsiniz, unuda bilərsiniz, musiqilər sizi titrədə bilər və daxilinizdə nəyinsə titrədiyini hiss edib, beləcə bədəninizdən ayrıla bilərsiniz. Treklərin hər biri 1-2 saat ərzində hazırlanıb. Nə barədə düşündüyümü dəqiq deyə bilmərəm, sadəcə belə alındı.”

Ramin Kuliev 1990-cı ildə doğulub və Bakıda böyüyüb. O, 35-ci Şaroev Musiqi Məktəbində, Bakı Musiqi Akademiyasında əfsanəvi bəstəkar və müəllim Arif Məlikovun sinfində, daha sonra Brno şəhərində yerləşən Janacek adına Musiqi və İfaçılıq Sənəti Akademiyasında fortepiano təhsili almışdır. Hal-hazırda Çexiyada yaşayır.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir