“Element” albomunda hamının sevdiyi köhnə Azərbaycan mahnılarının yeni tərzdə təqdimatı yer alır. Albom dörd elementlə (su, atəş, torpaq, hava) bağlı mahnılardan ibarətdir, hər bir musiqi özünə görə möhtəşəmdir. Onlar arasında məhz ruhuma yaxın olanları seçmişəm. Məqsədim odur ki, bizim gənclər köhnə mahnılarımıza da qulaq assın, çünki onlar mükəmməldir. Bu bəstələr son dövrlərdə eşitdiyimiz mənasız və boş mahnılardan fərqlidir, ölümsüzdür, onları xatırlatmağa ehtiyac var.