Atanur Nəbiyeva – Boz Tərəf

İkinci Dağlıq Qarabağ müharibəsinin başlaması ilə ölkədə müharibə tərəfdarı və əleyhdarı olan iki düşərgə yarandı, müharibəni həll yolu kimi dəstəkləməyən insanlar böyük əksəriyyətin qınağına tuş gəldi.

Rejissor Atanur Nəbiyeva da müharibə dövründə oxşar vəziyyətlə qarşılaşanlardan idi. Belə bir vəziyyətdə o qərar verir ki, cəmiyyətdə müşahidə olunan bu dinamikanın ailəsindəki təcəssümünü sənədləşdirsin. Həmin dövrdə bəzi kəndlərin bombalanması nəticəsində cəbhə bölgəsində yaşayan qohumlar da Nəbiyevlər ailəsinin evində müvəqqəti məskunlaşmışdılar.

Müəllif çəkiliş boyunca müharibə ilə bağlı bitərəf mövqeyindən çıxış etməyə çalışıb, “Kim haqlıdır?”, “İnsan ölümünə dəyərmi?”, “Konfliktin başqa bir həll yolu ola bilərmi?” kimi fundamental suallar qaldırıb. Cavab axtarışları bəzən valideyn-övlad arasında ciddi mübahisələrə gətirib çıxarıb. Ailə üzvlərinin fikirlərini qeyd-şərtsiz qəbul etməkdən imtina etməsi, onların mövqeyini sorğulaması isə Atanurun doğmalarını acıqlandırır, evdə təklənməsinə səbəb olur.

Atanur Nəbiyeva freelans videoqraf və rejissordur. Nəbiyeva hal-hazırda DocNomads proqramı çərçivəsində Sənədli film sahəsi üzrə magistr təhsili alır. O, 2019-cu ildə İstanbul Universitetinin Radio Televiziya və Kino ixtisası üzrə bakalavr təhsilini tamamlamışdır. Atanur Nəbiyeva, bir neçə qısa sənədli filmin müəllifidir.

Filmoqrafiya:

  • Paltarlar (2019)
  • Kirşan (2019) [2020-ci il DokuBaku Sənədli Film Festivalının Yerli Sənədli Filmlər üzrə qalibi]
  • Boz Tərəf (2021)

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.