Nizami Gəncəvi və Ceyms Bond

 Nizami Gəncəvi və Ceyms Bond

Günlərin biri günü naməlum təsadüf nəticəsində Nizami Gəncəvi və Ceyms Bond görüşür. Yaxınlıqda yerləşən çayxanaya keçib çay dəstgahı sifariş verirlər. Gətirilən çiyələk mürəbbəsini qaytarıb, Ceyms Bond şaftalı mürəbbəsi istəyir. Nizami xurma və ləpə gətirilməsini xahiş edir. Ceyms çaydan içib danışmağa başlayır:

-Sənə Şekspirdən salam var.

Nizami bir siqaret yandırıb, təəccüblə gözlərini qıyır:

-Mən pirlərlə oturub durmuram.

-O pir deyil. O Şekspirdi.

Nizami bir ayağını o biri ayağı üzərinə aşırdıb davam edir:

-Seks və piri bir araya gətirmək ancaq ingilislərin ağlına gələ bilər.

-Şekspir sənin bir materialından istifadə etmək istəyir.

-Qurbandı. Özün tanımasam da, atası yaxşı kişi olub. Belə də yadıma düşdü. Buruq saç, saqqalı gədədir, düzdü?

-Düzdür. Borcu nə qədər olacaq?

-Sən kimsən ümumiyyətlə?

-Bond… Ceyms Bond.

 

Nizami bir saqqalına sığal çəkdi, bir qarşısında oturana baxdı.

 

-Ceyms… Heç bilirsən ki, dolmanı kim ixtira edib?

-Yox.

-Heç bilirən ki, “Sarı gəlin” kimin mahnısıdır?

-Sarını bilirdim, gəlini yox.

-Ceyms, sən çox belə intelektualdan kənar subyektsən. Qayıt ölkənə, seks pirinə də de ki, bura gəlsə, onu adına görə sındıracaqlar, əgər mənə bir də sənin kimi biri ilə mesaj göndərsə, onun bığların qırxıb ayaqqabı fırçası düzəldəcəm. Özünə dönə-dönə çatdır ki, müqavilənin detallarını göndərəcəm, icazəsiz mənim materiallarıma donuz kəsən kafir əlləri ilə toxunmasın. Hesabı verərsən.

 

Cavabında Ceyms sadəcə gözlərini çəp edir və dil çıxarır. Bu sözləri deyib Nizami ayağa durur və çayxananı tərk edir. Cibindəki 50 qəpiyi verib  Sumqayıta tərpənir.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir