“Al Apar” qaraj satışı

Fevralın 29-da, “Lu Tattoo Studio”da “Handicraft Baku”nun təşkil etdiyi ikinci Qaraj Satışı baş tutacaq. Burada siz əla və unikal ikinci əl əşyalar – paltar, aksessuarlar, bəzəklər, kitablar, habelə istedadlı ustalar tərəfindən hazırlanmış əl işlərini əldə edə biləcəksiniz.

 

Tədbir gündüz party-si formatında keçiriləcək. Burada təkcə gözəl əşyalar deyil, həm də gənc rəssamların məftunedici əsərləri, ruhlandırıcı DJ setləri, dadlı kokteyllər feyziyab edəcək. Tatu və pirsinq həvəskarları isə özlərini əsl cənnətdə hiss edəcəklər! Gəlin, özünüzlə dostlarınızı, yaxşı əhval-ruhiyyə və nağd pul gətirin.

 

Gəlin, əşyalardan şüurlu istifadə edək, ətraf mühitə qayğı ilə yanaşaq və nəyi var əylənək – axı belə bir gün 4 ildə bir dəfə baş verir!

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.