Cənubi Qafqaz Səyyar Fotoqrafiya Muzeyi

 Cənubi Qafqaz Səyyar Fotoqrafiya Muzeyi

Cənubi Qafqaz Səyyar Fotoqrafiya Muzeyinin 13-cü tədbiri çərçivəsində yerli və beynəlxalq auditoriya üçün 16 dekabr 19:30-da (GMT+4) onlayn formatda mühazirə keçiriləcək.

Tədbir Tbilisi Fotoqrafiya və Multimedia Muzeyi tərəfindən və Ta(r)dino 6 – Bakı təməlli incəsənət platformasının birgə əməkdaşlığı ilə təşkil olunur.

Tbilisi Foto Festivalı və Tbilisi Fotoqrafiya və Multimedia Muzeyinin həmtəsisçisi və bədii rəhbəri Nestan Nijaradze “Fotoqrafiya – Universal Dil” mövzusunda ictimai mühazirə oxuyacaq. Daha sonra Gürcüstan, regional və beynəlxalq fotoqrafların slayd təqdimatları nümayiş olunacaq.

Nümayişin proqramı:

  • Aleksandr Roinaşvili
  • Nata Sopromadze
  • Anka Gujabidze
  • David Mesxi
  • Sitarə İbrahimbəyli
  • Mələk Bayramlı
  • LensCulture

COVID-19 pandemiyası səbəbindən Səyyar Fotoqrafiya Muzeyi onlayn formata keçirilib. Azərbaycanlı ictimaiyyət və xaricdə yaşayan icmaların tədbirdə iştirakı təmin olunacaq.

Tədbir ingilis dilində Azərbaycan dilinə sinxron tərcümə ilə nümayiş olunacaq. Onlayn tədbir ödənişsizdir və ilk qeydiyyatdan keçən 100 iştirakçı ilə məhdudlaşır:

Azərbaycan və beynəlxalq ictimaiyyət üçün onlayn “Cənubi Qafqaz Səyyar Fotoqrafiya Muzeyi” tədbiri Tbilisi Fotoqrafiya və Multimedia Muzeyi tərəfindən təşkil olunur və İsveçrənin Cənubi Qafqazdakı İnkişaf və Əməkdaşlıq Agentliyi tərəfindən maliyyələşdirilən “Təhsil və İnnovasiya üçün Cənubi Qafqaz Fotoqrafiya Mərkəzi” layihəsinin bir hissəsidir.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir