COVİD-19 pandemiyası ilə bağlı sorğu

Cari vəziyyətin nəticəsi olaraq, dünyada və eləcə də Azərbaycanda baş verən hadisələr hər birimizi narahat etməkdədir. Və bu səbəbdən, Azərbaycan müasir incəsənət nümayəndələrinin yaşadığı yaradıcı və fərdi problemlərlə əlaqədar sorğunun tərtib olunmasına ehtiyac yaranmışdır.

 

Yaradılan sorğunun nəticəsi olaraq biz bir-birimizə dəstək olmaq və həmçinin, dövlətin təqdim etməyi nəzərdə tutduğu iqtisadi/sosial paketdən müasir incəsənət nümayəndələri olaraq yararlanmağı düşünürük. Eyni zamanda, beynəlxalq tərcübəyə əsaslanaraq mümkün maliyyə və digər imkanların tapılmasına birgə çalışacağıq.

 

Sorğunun doldurulması üçün son tarix 15 aprel 2020-ci ildir. Sorğuda iştirak edən şəxslər barədə məlumat və bu şəxslərin fikir və təklifləri hər birimiz üçün önəmlidir. Sorğu iştirakçılarının fərdi məlumatları mövcud qanunvericiliyə uyğun olaraq məxfi saxlanılır və belə məlumatlar yalnız onlar icazəsi ilə toplanılır, işlənilir və onların etiraz etmədiyi təqdirdə, aidiyyatı şəxslər, həmçinin, dövlət qurumlarına müvafiq problemlərin həlli məqsədilə müraciət üçün istifadə ediləcəkdir.

Sorğunu tərtib etdi:
Əsli Səmədova – art menecer və Ta(r)dino Art Platformasının təsisçisi
Vüsal Rəhim – konseptual rəssam və art direktor
Rəşid Məmmədov – hüquqşünas
Aytac Xalıq – assistent

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.