Fıstıq və Artemisa ilə tanış olun
VarYox “Fıstıq” və “Artemisa” adlı uşaq kitabı və animasiya layihələrini ərsəyə gətirərək, bu günün vacib sosial mövzularını işıqlandıran yeni hekayələr üzərində işləməyə davam edir. Sadə və səmimi hekayələr, emosional təsir gücünə malik personajlar və uşaqların marağına uyğun hazırlanmış vizual mühit vasitəsilə bu layihələr empatiya, təhsil, ailə dəstəyi və daha qayğıkeş cəmiyyət kimi düşüncələri təşviq edir. Hər iki kitab hər kəs üçün əlçatan və ödənişsizdir.
Fıstıq himayəyə götürüldükdən sonra həyatı dəyişən bir küçə itinin hekayəsidir. Hekayə sadəcə bir heyvanın xilas edilməsindən bəhs etmir; xeyirxahlığın həm itin, həm də ona qayğı göstərən insanın həyatında necə müsbət dəyişikliklər yaratdığını göstərir. balaca oxuculara xatırladır ki, heyvanlar yaşadığımız cəmiyyətin ayrılmaz hissəsidir və onlara münasibətimiz necə bir cəmiyyət qurduğumuzu əks etdirir.
Kitab uşaqlarda erkən yaşlardan heyvanlara qarşı empatiya hissinin formalaşmasına kömək edir. “Fıstıq” göstərir ki, küçə heyvanları da hissləri, qorxuları və vərdişləri olan canlılardır; onların etimadı itə və yenidən qazanıla bilər. Bu sahiblənmə hekayəsi vasitəsilə uşaqlara və ailələrə qayğının sadəcə birdəfəlik bir jest deyil, davamlı məsuliyyət olduğunu xatırladır. Bəzən bir qab yemək, təhlükəsiz sığınacaq və qayğıkeş münasibət yeni bir həyatın başlanğıcı ola bilər.
Fıstıq eyni zamanda insanlar haqqında da bir hekayədir. Uşaqla itin arasında yaranan dostluq oxuculara göstərir ki, mərhəmət sadəcə hiss deyil, həm də seçimdir. Mərhəmətli olmaq kömək etmək, qorumaq və başqa bir canlını həyatımıza qəbul etməkdir.
“Artemisa“ oxucuları kənd mühitinə aparır və gələcəyi ilə bağlı böyük arzular quran bir qızın hekayəsindən bəhs edir. Hekayə vacib sual ortaya qoyur: uşaqlar təhsil almaq, inkişaf etmək və arzuladıqları peşəyə sahib olmaq istədikdə, yaşadıqları yerdən asılı olmayaraq, onların arzularına kifayət qədər diqqət yetirilirmi?
“Artemisa“ vasitəsilə VarYox uşaqları dinləməyi və onların arzularına dəstək olmağın vacibliyini vurğulayır. Hər bir uşağın öz gələcəyini təsəvvür etmək, müəllim, həkim, rəssam, alim, mühəndis və ya arzuladığı hər hansı digər peşənin sahibi olmaq haqqı var. Bu arzuların həyata keçməsi üçün yalnız təhsilə çıxış deyil, həm də ailənin və cəmiyyətin dəstəyi lazımdır.
“Artemisa“nın mesajı sadə, lakin güclüdür: bir uşağın təhsilinə və inkişafına göstərilən dəstək cəmiyyətin gələcəyinə qoyulan ən dəyərli töhfələrdən biridir. Ailələri tərəfindən dəstəklənən və dinlənən uşaqlar özünəinamlı fərdlər kimi böyüyür, ətrafındakı insanlara ilham verir və cəmiyyətin inkişafında fəal rol oynayırlar.
“Fıstıq” və “Artemisa“ birlikdə VarYoxun həm yaradıcı, həm də cəmiyyət üçün faydalı məzmun yaratmaq istəyini əks etdirir. Bu hekayələr uşaqları sadəcə passiv dinləyici kimi deyil, xeyirxahlıq, məsuliyyət, ədalət və ümid kimi dəyərləri anlaya bilən düşüncəli fərdlər kimi qəbul edir.
Bu layihələri fərqləndirən əsas xüsusiyyətlərdən biri onların əməkdaşlıq əsasında yaradılmasıdır. Hər bir kitab üçün VarYox yazıçı və illüstratorlar arasında açıq çağırış elan edərək yerli yaradıcı insanları öz ideya, baxış və bədii yanaşmalarını paylaşmağa dəvət edib. Bu yanaşma hekayələri daha da zənginləşdirir və keyfiyyətli uşaq məzmununun müxtəlif yaradıcı insanların birgə əməyi nəticəsində daha təsirli olduğunu göstərir.
“Fıstıq” uşaqlara heyvanlara qarşı empatiyanın əhəmiyyətini göstərir və mərhəmətin gündəlik davranışlarımızda öz əksini tapdığını xatırladır. “Artemisa“ isə təhsilin gücünü, eləcə də hər bir uşağın xəyal qurmaq və öz gələcəyini formalaşdırmaq haqqını ön plana çıxarır.
Bu hekayələr yalnız başlanğıcdır. VarYox bundan sonra da uşaqlar üçün əhəmiyyətli olan mövzulara toxunan yeni layihələr yaratmağa davam edəcək, kitab və animasiyadan maarifləndirmə, emosional inkişaf və müsbət dəyişiklik yaratmaq üçün istifadə edəcək.
“Fıstıq” və “Artemisa” fərqli hekayələr danışsa da, onları birləşdirən ortaq fikir var: daha yaxşı gələcək bir-birimizi dinləməklə, qayğı göstərməklə və qarşılıqlı anlayışla qurulur
Bu layihələr Azərbaycan dilində hazırlanıb və hər iki animasiya ingiliscə altyazılarla təqdim olunur. Müasir Azərbaycan uşaqları üçün nəzərdə tutulan bu layihələr rəqəmsal məzmunun sürətlə artdığı bir dövrdə onlara keyfiyyətli və mənalı alternativ təqdim edir. Empatiya, maraq, dözümlülük və məsuliyyət kimi dəyərləri ön plana çıxaran hekayələr vasitəsilə VarYox uşaqlara müsbət rol modelləri təqdim etməyi və onların müasir dünyaya özünəinamla, anlayışla və məsuliyyət hissi ilə yanaşmalarına dəstək olmağı hədəfləyir.
VarYox bu cür hekayələrin inkişaf etməli və daha çox insana çatmalı olduğuna inanır. Biz uşaqlar üçün mənalı və keyfiyyətli məzmun yaratmaq istəyimizi bölüşən təşkilatlar, müəllimlər, nəşriyyatlar və yaradıcı şəxslərlə əməkdaşlığa açığıq. Həmçinin bu missiyaya inanan fərdləri və qurumları bizi dəstəkləməyə dəvət edirik. Hər bir dəstək yeni hekayələrin ərsəyə gəlməsinə və keyfiyyətli uşaq məzmununun daha geniş auditoriyaya çatmasına kömək edir. Fəaliyyətimizi dəstəkləmək istəyənlər Patreon vasitəsilə bizə qoşula, yaradıcılıq prosesimizi izləyə və yeni layihələrin həyata keçməsinə töhfə verə bilərlər.
