Robert Romboutdan ustad dərsi

Euro Imagine Tolerantlıq festivalı çərçivəsində bu gün rejissor Robert Romboutun Zoom platformasında ustad dərsi olacaq.

Robert Rombout (Amsterdam, 1953) 1975-ci ildən bəri Brüsseldə yaşayır və işləyir. Brüsseldə yerləşən Müqəddəs Lukas film və incəsənət məktəbində (LUCA) müəllimdir. “Doc-Nomads” Beynəlxalq Magistr proqramının həmtəsisçisi və icraçısıdı. 35 ildən çoxdur ki, müstəqil sənədli film istehsalçısıdır. Bütün filmləri televizor və festivallarda göstərilib. Paris və Strasburq Universitetlərində qonaq müəllim olub. O, Hanoi Teatr və Kino Akademiyası, Livan Təsviri Sənətlər Akademiyası, Amerika Texnologiya Universiteti Halat Kampusu və Lissabon Teatr və Film Məktəbində müntəzəm müəllimlik edir. Braziliya, Çin, Rusiya və Fransada seminarlar verir.

Bu ustad dərsi zamanı Robert Rombout sənədli filmdə rejissorun rolundan danışacaq. O, bir tərəfdən texniki peşəkardır; digər tərəfdən müəllif, hekayəçi, əsərə imza atan şəxs. Bir rəssam kimi bir rejissor da “demək istədiyi bir şey var”, buna görə də reallılığın qavranmasından başlayırıq. Metod, niyyət, estetika, eyni zamanda etika ustad dərsinin elementləri arasında olacaqdır.

Robert ustad dərsi zamanı sizdən suallarınızı gözləyəcək, hətta başlanğıcda belə.

Ustad dərsinə daxildir:

  • İnteraktiv canlı yayım

  • Pulsuz kitablar

  • Robert Romboutun filmlərindən səhnələrlə iş

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir