Şahin Əliyev

Mən 1995-ci ildə anadan olmuşam. Rəssamlıq Akademiyasının sənaye dizayn fakültəsini bitirmişəm. Buna baxmayarag, dizaynın digər sahələri ilə də məşğul oluram. Tələbəlik illərindən bir neçə dizayn və incəsənət mərkəzlərində qrafik dizayner kimi çalışmışam. Hal-hazırda beynəlxalq şirkətlərin birində interaktiv dizayner kimi fəaliyyət göstərirəm.

“Mugham handlettering series” – Milli muğamların müasir əl yazısı (handlettering) üslubunda işlənilmişdir. Layihə milli naxış, xalça və musiqi alətləri ilə qərb kalliqrafiyasının sintezini təşkil edir. Növbəti layihəm isə isə milli rəqslərimizə aid olacaq.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər