Etibar Əsədli

Etibar Əsədli azərbaycanlı pianoçu, bəstəkar və prodüserdir. Onu asanlıqla milli musiqi və cazın sintezi olan caz-muğamın “yağlı tikəsi” adlandırmaq olar. İlk musiqi təhsilini Bülbül adına məktəbdə alan Etibar daha sonra Bakı Musiqi Akademiyasında bəstəkarlıq sinifini bitirmişdir. Hal-hazırda isə o, Fransanın Centre Des Musiques Didier Lockwood (CDML) caz akademiyasında magistr dərəcəsi üzrə təhsil alır. Onun muğam və caz musiqisinə yaxından bələd olması həm ölkəmizdə, həm də Avropada xoş qarşılanan əsərlər yaratmağına imkan verir.

Etibar Əsədli “Projects” adlı albomun və “Second Sex” sinqlının müəllifidir. O, həmçinin, Azərbaycanın bir çox muğam və pop ifaçıları ilə birgə layihələrə imza atmışdır. Musiqiçi İngiltərə, İtaliya, Türkiyə, Rusiya, Koreya, Avstriya kimi ölkələrdə bir çox dünya miqyaslı musiqi festivallarında iştirak edib. Eyni zamanda istedadlı aranjmançı olan Eldar Əsədli yaratdığı işlərə şəxsən özü prodüserlik edir.

2017-ci ildə işıq üzü görən “Projects” albomunda ilk notlardan fransız əhvalının təsiri hiss olunur. Fransanın oynaq ab-havasına bürünmüş albomda onun Sahib Əsədov və fransız musiqiçi Elza Pedro ilə birgə layihəsi olan “L’amour” treki də yer alıb. Etibar harmonikanın möcüzəli melodiyası və milli musiqi çalarları ilə yanaşı “qara” ahənglərdən (R&B/Soul) də istifadə edir. Zəngin pedlər, şən və romantik fortepiano ifası, milli ritmlər, yeni səslər, aparıcı ifalar – bunların hamısı “Bakının dəbli əhvalını” yaradır.

“Bakı əhvalı”, milli musiqi, pop və cazın sintezi haqda danışarkən, öz dönəmində populyarlıq qazanmış “Rast” qrupunu yada salmamaq mümkün deyil. Bu iki layihə arasında paralel aparmalı olsaq, Etibar Əsədlinin musiqisini əminliklə “Bakı” yolunun davamı adlandırmaq olar.

Ənənəvi musiqiyə yenilikçi və gənc baxış

iTunes / fb / instagram / soundcloud

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.