Machinedrum – Vapor City (2013)

Machinedrum amerikalı prodüser Trevis Stüartın səhnə təxəllüslərindən biridir. Trevis lap uşaq vaxtından “qəribə” musiqiçilərin əhatəsində olduğu üçün, artıq gənclik dönəmində müxtəlif musiqi janrları ilə tanış idi. O, həmçinin, marş və yürüşlərdə məktəb qrupunun tərkibində barabanda və afrikan musiqi ansamblında djembe-də (Afrikanın yerli musiqi aləti, baraban) ifa etməyə imkan tapmışdı. Machinedrum-ın yaranma tarixi Trevisin məktəbi bitirdiyi 1998-ci ilə təsadüf edir. Musiqi sektorunda olduğu illər ərzində o, Azealia Banks, Jesse Boykins kimi musiqiçilərlə işləmək imkanı əldə edir. Machinedrum-ın musiqi dünyasında ən çox səs gətirən əməkdaşlığı isə Sepalcure layihəsi olur. Belə ki, Trevisin 2011-ci ildə Pravin Şarma ilə yazdığı LP adlı albom, elə həmin il Pitchfork-da ən dinlənilən 50 albom siyahısında yer alır.

Mən isə onun ən uğurlu albomu hesab etdiyim Vapor City (2013) haqqında bəhs etmək istərdim; nümunələndirilmiş pərdəli vokal, cəngəllik elementləri, albomun fundamenti olan geniş ətli bas xətti, 90-ci illəri xatırladan yarımazaldılmış akkordlar, bizi həmin illərə aparan “dreamy” pedlər, musiqiyə əlavə rəng qataraq canlandıran çarpaz ritmik klavişlər, qlitç (cızıq) adlandırdığımız elementlər də öz yerində… Düşünürəm ki, bu albomu haqlı olaraq bas musiqi nümunəsi kimi qəbul etmək olar. Praktiki olaraq, bütün treklərdə bas, zərblə dubl edilib ki, bu da canlı drayv effekti yaradıb.

Ahənglilik baxımından albom tutqun alınıb, lakin müəllif “xəyallara qərq olmaq” üçün pəncərə açan körpülərdə xoş akkordları uğurla istifadə edib. Bu, demək olar ki, hər zaman işləyən klassik gedişdir. Baxmayaraq ki, Trevis amerikalıdır, onun tərzi daha çox ingilis andeqraunduna bənzəyir. Romantik reyvlə qarışıq qlamur treşlə dolu çirkli, yetkin və yorğun şəhərin səsi…

Albom müsbət nigarançılıq yaradaraq hərəkətə təşviq edir. Ona görə də düşünürəm ki, albomu dinləyərək gəzmək, mübahisəli olacağı gözlənilən görüşə getməzdən əvvəl güc yığmaq olar. Əmin ol ki, sən bu mübahisədən qalib ayrılacaqsan!

Buradan endirin

Sosial mediada izləyin: facebook / instagram / soundcloud

Pleylistimizi də dinləyin:

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.