Dünya Ekologiya Borc Günü

2019-cu ildə bəşəriyyət təbii ehtiyatların illik tədarükünü həmişəkindən daha sürətlə tükədir.

 

29 İyul Ekoloji Borc Günü elan olunub. Bu isə o deməkdir ki, planetin bir il ərzində bərpa olunan resursları tükənib və indi bəşəriyyət təbiətdən “borc” alacaq. Bu barədə beynəlxalq təhlil mərkəzi olan Global Footprint Network-un veb səhifəsində bildirilir.

 

Bu il Ümumdünya Ekoloji Borc Günü vaxtından əvvəl gəlib. Müqayisə üçün: keçən il bəşəriyyət illik ehtiyat tədarükünü 1 avqust, 2013-cü ildə – 20 avqust və 2000-ci ildə – oktyabrın əvvəlində tükətmişdi.

 

29 iyul – hesablamalar tarixinin ən erkən tarixidir. Bu o deməkdir ki, bəşəriyyət hazırda təbiətdən planetin ekosistemlərinin bərpasından 1.75 dəfə daha sürətli istifadə edir. Bu isə özünü meşələrin yoxa çıxması, torpağın eroziyası, bioloji müxtəlifliyin itirilməsi şəklində göstərir. Bütün bunlar iqlim dəyişikliyinə və ekstremal hava şəraitinə səbəb olur.

 

Mütəxəssislər vəziyyətin atmosferə daha az karbon qazı ataraq dəyişdirilə biləcəyini qeyd edirlər. Onların hesablamalarına görə, yanacağın yanmasından yaranan karbon qazı tullantılarının 50% azalması Ekoloji borc gününü 93 gün təxirə salmağa imkan verəcəkdir.

 

Tədqiqatçılar 1970-ci illərin əvvəllərindən “ekoloji borc” un tarixini hesablayırlar: əvvəl bu dekabr ayının sonunda idi və 1990-cı ilə qədər oktyabr ayının ortasına keçdi.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.