Bakıda FilmAkt Qısa film festivalı keçirilir

Bakıda FilmAkt Qısametrajlı Sənədli Film Festivalı keçiriləcək. Bu haqda VarYox-a təşkilatçı Y-Peer Azərbaycan şəbəkəsi məlumat verib. Məlumatda deyilir:

 

Filmlər, gənclərə film çəkmək bacarıqlarının öyrədilməsi və yaradıcı yolla nümayişi vasitəsi ilə icma quruculuğu, gənclərin içtirakçılığı, sosial aktivizm mövzusunda bacarıqlarının artırılmasını təşkil etmək məqsədi ilə Y-PEER Azərbaycan şəbəkəsinin ekspertləri tərəfindən Bərdə, Balakən və Bakı şəhərlərində sentyabr-noyabr ayları ərzində “FilmAkt-Dəyişiklik üçün çək” başlıqlı silsilə təlimlərin yekunu olaraq ərsəyə gəlmişdir. Altı günlük hərtərəfli təlimlərdə Bərdə, Balakən və Bakıda yaşayan 45 gənc iştirak etmişdir. Təlimlər Amerika Birləşmiş Ştatlarının Azərbaycandakı Səfirliyinin təşəbbüsü və maliyyə dəstəyi ilə inkluziv inkişaf və yerli icmaların bacarıqlarının artırılması məqsədi ilə “İcma quruculuğu təşəbbüsləri” proqramı çərçivəsində həyata keçirilmişdir.

 

FilmAkt proqramı nəticəsində yuxarıda qeyd etdiyimiz gənclər tərəfindən Bərdə, Tərtər Balakən və Bakıda 10 yeni sənədli filmlər ərsəyə gəlib. Bakıda keçirilən və 3-5 fevral tarixlərində davam edəcək festival zamanı həmin 10 film və əlavə 2 sənədli film nümayiş olunacaq. Filmlər əqli və fiziki məhdudiyyətlər, müharibənin gətirdiyi çətinliklər, icmaların spesifik xüsusiyyətləri, gender və zorakılıq mövzularını əhatə edir.

5 fevral festivalın bağlanış mərasimi zamanı qalib filmlər nümayiş olunacaq və mükafatlandırılacaq. Mərasimdə filmi ərsəyə gətirən gənclərin, vətəndaş cəmiyyəti nümayəndələrinin, həmçinin rəsmi qonaqların iştirakı nəzərdə tutulub. Xüsusi olaraq ABŞ-ın Azərbaycandakı səfirliyinin Mədəni Əlaqələr Departamentini rəhbəri xanım Haydi Smitin iştirakı da gözlənilir.

[no_button size=”medium” style=”transparent” button_hover_animation=”default” icon_pack=”font_awesome” fa_icon=”fa-facebook-official” target=”_self” text=”Tədbirə keçid” link=”https://www.facebook.com/events/1235810066581971/”]

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir