Azərbaycanda ilk dəfə Gender Bərabərliyi Mükafatı veriləcək

Fransa və Almaniyanın Azərbaycandakı səfirlikləri Azərbaycanda ilk dəfə “Gender Bərabərliyi Mükafatı” təqdim edəcək. Bu mükafat Azərbaycanda gender bərabərliyinə töhfə verən təşəbbüslərin mükafatlandırılmasına yönəlib. Qeyd olunan sahələrdən birində gender bərabərliyi istiqamətində konkret bir təşəbbüslə məşğul olan bütün azərbaycanlı qadınlar müraciətlərini göndərə bilər.

  • Siyasətdə və ya biznesdə qadın liderliyinin təşviqi
  • Yaradıcı qadınların incəsənət və mədəniyyət sahəsindəki təşviqi
  • Münaqişələrin həlli və sülh quruculuğu prosesində qadınların rolunun artırılması
  • Cins əsaslı zorakılığa qarşı mübarizə
  • Cinsiyyət əsaslı stereotiplərin sorğulanması

Müsabiqənin qalibi Fransada 1 aylıq təhsil imkanı ilə mükafatlandırılacaq. İştirak üçün ingilis dili biliyi mütləqdir. 20 aprel 2021-ci il layihənizi təqdim etmək üçün son gündür. Linkə keçid edərək müsabiqənin şərtləri barədə ətraflı oxuya bilərsiniz.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir