Noor Agentliyi ilə fotoqrafiya vörkşopu

2020-ci ilin Yanvar ayına qədər Open Call elan edirik!

 

Yadınızdadırsa NOOR Agentliyinin fotoqraflarının yaxın zamanda Azərbaycana gələcəyi barəsində xəbər vermişdik. VarYox-un Turizm Bürosu ilə birlikdə keçirəcəyi konkursu uğurla tamamlayan iştirakçılar Agentliyin peşəkar fotoqraflarının vörkşoplarına qatılmaq şansı əldə edəcək.

 

Sizdən tələbimiz, bizə 15 fotodan ibarət portfolionuz (sənədli fotoqrafiya janrında)özünüz haqqında məlumatı göndərməyinizdir.

 

İştirakçıların ədalətli seçimini təmin etmək üçün, iki seçim yolu var.

 

VarYox ilə Turizm Bürosunun birlikdə keçirəcəyi konkursa qatılan iştirakçılar arasından 15 nəfər seçiləcək.

 

Vörkşopda iştirak edəcək fotoqrafların portfoliolarına baxılacaq və aralarından digər 15 nəfər isə VarYox komandası tərəfindən seçiləcək.

 

NOOR agentliyi dünyanın müxtəlif ölkələrindən olan jurnalistlərin, yazarların, fotoqrafların bir araya gəldiyi kollektivdir.

 

2007-ci ildə yaranmış agentlik, kiçik startaplarla, qeyri-kommersial layihələrlə və dünyaca məşhur böyük mediya şirkətləri ilə əməkdaşlıq edir.

 

Eyni zamanda fotoqrafiya barəsində vörkşoplar və ictimai proqramlar keçirən agentlik, bu dəfə növbəti vörkşop ilə bağlı VarYox ilə əməkdaşlıq üçün Azərbaycana gəlir.

 

Əziz fotoqraflar, öz portfolionuzu bu e-mailə göndərin: [email protected]

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.