Tomas Dvorzakın treyninqlərinə qəbul elan olundu!

Tbilisidə 4 gün boyunca “Magnum” agentliyi fotoqrafı Tomas Dvorzakdan treyninq ala, həmçinin Asiya və Avropa arasında körpü olan bu qədim şəhəri kəşf edə bilərsiniz!

 

Tbilisi Fotoqrafiya və Multimedia muzeyinin təşkilatçılığı ilə keçiriləcək treyninqdə özünü könüllü “Qafqaz əsiri” elan etmiş, “Magnum” agentliyi fotoqrafı və 1992-2012-ci illərdə Gürcüstanda yaşamış Tomas Dvorzak tərəfindən təlimlər keçiriləcək. Tomas Dvorzakla Tbilisinin fotolarını çəkmək kimi nadir bir imkanı qazanmaqla yanaşı təcrübənizi artıra bilərsiniz.

 

Pasxa günü Gürcüstanda qeyd olunan çox önəmli bir dini bayramdır. Ənənəvi olaraq insanlar toplaşır, kilsələri və məzarlıqları ziyarətə gedir – bayramı həm ailələri ilə, həm də itirdikləri qohumları ilə qeyd edirlər. Gürcüstandakı bu önəmli mədəni hadisəni bu daim canlı şəhərdə işləyərək də müşahidə edə bilərsiniz.

 

Treyninqlər çəkiliş, leksiya, tənqid və fotomontaj sessiyalarından ibarət olmaqla yanaşı şəhəri kəşf etmək üçün qrup şəklində gəzintilər də olacaq. Bütün tədbir iştirakçıları evə öz hazırlanmış və işlənmiş işləri ilə qayıdacaqlar. Tbilisi Foto Festivalının Art-direktoru Nestan Nicaradze tərəfindən seçiləcək iki portfolio 15 sentyabrda “Foto gecəsi”ndə nümayiş olunacaq.

Təqaüd imkanı

“Magnum Photos” və Tbilisi Fotoqrafiya və Multimedia Muzeyi bu treyninq üçün bir təqaüdə sponsorluq edəcək və Azərbaycandan olan fotoqrafları təqaüdə müraciət etməyə dəvət edir! Namizəd “Magnum Photos” və Tbilisi Fotoqrafiya və Multimedia Muzeyi nümayəndələri tərəfindən seçiləcək.

 

Minimum 20 fotodan ibarət portfoliolar [email protected] ünvanına WeTransfer vasitəsilə motivasiya məktubu yazılaraq göndərilməlidir. Son müraciət tarixi 3 Mart!

Near the town of Andi, on the Chechen border. Memorial for a dead Russian soldier. Republic of Daghestan. Russia. July, 2000. © Thomas Dworzak | Magnum Photos

Həlak olmuş rus əsgərinə abidə. Andi, Çeçenistan sərhədi. Dağıstan, Rusiya. İyul 2000. © Thomas Dworzak | Magnum Photos

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.