Aysel Sadıqova

Adım Ayseldir və Azərbaycandanam. “Parcha” brendinin təsisçisiyəm. Hazır geyim brendi olan “Parcha”nı üç dəyər üzərində təsis etmişik: minimalizm, keyfiyyət və yenilikçilik. İnanırıq ki, sadəlik, xırdalıqlara diqqət və ən müasir yanaşma ilə əla nəticələr əldə etmək olar.

İnsanlar banal üz və bədən formalarından uzaq durmağa çalışırlar. Baxmayaraq ki, öz geyimlərində seçilmək istəyirlər, bəzən onlar geyimlərinin içində gizlənirlər. Gözəllik anlayışı dünya standartlarında fərqlidir. Çünki banal-standart bədən və üz quruluşu daha az marağa çağırış hesab oluna bilər. Bu kolleksiyada qeyri – standart və professional olmayan modellərə üz tutmuşuq. Mən, həmçinin, yerli modelleri sınamaq şansı da əldə etmişəm.

“Clothes of Human” seriyası 2020-ci ilin yanvar ayında buraxılıb. Kolleksiyada qadın geyimləri ilə yanaşı, kişi geyimləri, əl çantaları və gümüş əşyalar da təqdim edilib. Hazırda instaqram üzərindən satış ilə məşğuluq. Paltarlar yaxın gələcəkdə showroomda nümayiş olunacaqlar. Eyni zamanda, vebsayt üzərindən satışlar həyata keçiriləcək.

Geyimlərinizə xüsusilik qatdıqca, geyiminiz sizi təkrarsız və fərqli gözəllikdə göstərəcək.

 

Fotoqraf: Məhəmməd Osman, İsmayıl Rzayev
Model: Yusib Faiqli, Nigar Rzayeva, Ceyhun İmanov, Nəzrin Məmmədova
Stilist: Aysel Sadıqova
Makiyaj:  Mehriban Məmmədova
Assistant: Nigar Məmmədova

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir