Qalib Həsənov

1994-cü il oktyabrın 26-da Gürcüstanın Qardabani rayonunun Qaracalar kəndində dünyaya gəlmişəm. Sadə azərbaycanlı ailəsində tərbiyə almışam. Həmin kəndin orta məktəbində təhsilimi (Azərbaycan dilində) başa vurduqdan sonra Şota Rustaveli adına Gürcüstan Dövlət Teatr və Film Universitetinə daxil oldum. Təhsilimin son illərində geyim mədəniyyəti və dizayn üzrə Medea Çaxava İncəsənət Akademiyasinda təhsil aldım. Təhsilin səviyyəsinin aşağı olmağına baxmayaraq dəyərli məlumatlar əldə etdim. Həmin təhsil müəssisəsinin son ilində artıq Tbilisi moda həftəsinin “Gənc dizayner” (Tbilisi Fashion Week-Newcomers 2013) müsabiqəsində iştirak etməyə cəhd göstərdim, uğur əldə etdim. Həmin il, eyni kolleksiyanı “Be Next’’ beynəlxalq moda müsabiqəsində “Be Next Contest 2013’’ yarışmasında təqdim edərək qaliblərdən biri oldum və Milanda təhsil almaq şansı əldə etdim. Tbilisidəki universitetə başlamamış Milana köçdüm. 

2 il təhsildən və bir neçə stajdan sonra kurs yoldaşım Luka Linlə bərabər 2016-nin əvvəlində “Act n°1” adlı geyim markasını qurduq. Bəzi çətinliklərə və çəkilən zəhmətə baxmayaraq artıq 2 ildir ki, uğurla irəliləyirik. ”Who is on next 2017” müsabiqəsini qazandıq, Vogue İtaliya ilə sıx əməkdaşlığımız mövcuddur. Ən son yeniliklərdən biri də sentyabra, Milan moda həftəsinə hazırlaşmağımızdır.

Qalereya

Sosial Media

Müəllif

Sitara İbrahimova

VarYox jurnalının təsisçisi və kreativ direktoru, həmçinin “Şəkilçəkən” rubrikasının redaktorudur.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir