Violet Cold – Sommermorgen (2018)

Violet Cold 2013-cü ildə Emin Quliyev tərəfindən Bakıda qurulan bir nəfərlik eksperimental musiqi layihəsidir.

 

Emin Quliyevin heç bir xüsusi musiqi təcrübəsi olmasa da embient, elektronik, atmosferik qara metal kimi bir-birinə zidd olan janrları məharətlə pərçimləmişdir. Özünə xas səsi olan bu qrup səs yazma və aranjmandan tutmuş, skrim və qadın vokallarına qədər hamısında şəxsi əməyin olması və ortaya mükəmməl işlər çıxarması ilə unikal hesab olunur.

 

Bəstələrində post-rok, qara metal, embient, sladc, vitç hauz, neo-klassik, cazkor, elektronik musiqi kimi bir çox fərqli janrların elementlərini görmək mümkündür.

 

2015-ci ildə dünyanın ən maraqlı metalqeyz albomlarından biri hesab olunan “Desperate Dreams” (Ümidsiz xəyallar) albomunu yayımlamışdır. Blek metal, şoqeyz və 80-ci illər üslubu elektropop janrlarının unikal qarışımı kobud və gərgin olmaqla yanaşı gözəl və əhval yüksəldən bir albom yaratdı.

2016-cı ildə “Magic Night” (Sehrli gecə) bəstəsi ilə öz saundumu daha da genişləndirdiyini bizə bir daha göstərdi. Belə ki, bu bəstədə baş gicəlləndirən piano cərəyanlarını, embient keçidlərini müşahidə etmək mümkündür.

 

2017-ci ildə isə şahəsər hesab olunan depressiv blek metal dadında “Anomie” albomunu çıxardı. Bu albomda yenidən skrim və qadın vokallarına geri döndüyünə şahid oluruq.

 

Bu il isə qrup “Sommermorgen” adında yeni bir albom triosunu yayımlayıb. Post-rok əhvalında başlayan “Part 1”, “Part 3”-də yerini daha qaranlıq blekqeyzə verir. Sanki ağdan qaraya doğru yayılıb musiqilər!

 

Gözlərinizi yumun. Bu albomu dinlədikdən sonra yelləncəkdə yellənirmiş kimi hiss edib, təbiət qoxusu alacaqsınız.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir