Beynəlxalq kinosənayedə təmsil olunan top 5 azərbaycanlı qadın kinematoqrafçı

Rejissor Rüfət Həsənov beynəlxalq kinosənayedə təmsil olunan yerli top 5 qadın kinematoqrafçı və filmlərini təqdim edir.

Leyli Qafarova – Rejissor
“Bir zamanlar Şanxayda”
(IDFA – Əsas Proqram)

Şanxaya xoş gəlmisiniz. Yox, bura neon və nouveaux zənginliyi ilə dolu Çin meqalopolisi deyil. Tamamilə əksinə, Azərbaycanın paytaxtı Bakıda bir eponim gecəqondudur. Uzaqda, şəhər boyu neft pulları ilə tikilmiş göydələnlər ucalarkən, burada dəmir yolu xətti boyunca yarısökülmüş evlər uzanır. Yaşayış məntəqəsinin sökülməsi planlaşdırılır və indi daha bir uşaq ağır-ağır hərəkət edən yük qatarının altında qalaraq ölür. Alman rejissor Veit Helmer bədii film çəkmək üçün Şanxaya gələndə əhalidə təlaş yaranır. Yerli əhali rejissorun onları gülünc göstərəcəyindən qorxur. Gənc azərbaycanlı rejissor Leyli Qafarova sakinlərin etimadını qazanmağı bacarır və bədii film istehsalı çərçivəsində Şanxayın təlatümlü, oynaq mənzərəsini canlandırmağa nail olur. Bu əsnada o, gecəqondu həyatından intim fraqmentlər də göstərir.

Lalə Əliyeva – Rejissor
“Onlar pıçıldayır bəzən də qışqırırlar”
(Visions du Réel – Əsas Proqram) 

 

Azərbaycanın şimalında göl sahilində yerləşən sığınacaq. 3 ağac qonşu kənddə yaşayan, təbiətə sığınaraq iztirablarından uzaqlaşmağa çalışan qadınlar tərəfindən toxunmuş parçalarla bəzədilib. Lalə Əliyevanın kamerası öz incə estetikası ilə keçmişdə qadınların ən azı ruhən azad olduğu bu güzgü kimi yerləri yenidən canlandırır.

Tahmina Rafaella
Rejissor, Ssenarist, Produsser, Aktrisa
“Qadın”
(Palm Springs Official Selection & Sundance İgnite Fellowship)

Cavan, müasir ana özü kimi təzadların yol ayrıcında yerləşən, müsəlman olduğu qədər dünyəvi, mütərəqqi olduğu qədər ənənəvi Bakıda, Azərbaycanda – öz yerini tapmağa çalışır. Həm ənənəvi, həm də müasir qadın rollarının xüsusiyyətlərini özündə təcəssüm etməyə çalışan, bu zaman azad seçim ya məsuliyyət hissi arasında qalan filmin qəhrəmanı bir gün ərzində ana, övlad, həyat yoldaşı rollarını yerinə yetirərkən özü ola bilmək uğrunda mübarizə aparır.

Sitarə İbrahimbəyli
Quruluşçu rəssam
“Mövsümün sonu”
(Rotterdam Fılm Festivalı FIPRESCI mükafatının qalibi)

 

Azərbaycanda kiçik bir ailə öz həyatına davam edir. Oğul Mahmud təlaşla öz evini axtarır; Ana – Fidan ailəsinə illərlə özünü fəda etdikdən sonra həyatını geri istəyir; Ata – Samir isə sadəcə tək qalmaq istəyir. Bir-birinin əhatəsində olan 3 azad ruh narahatlıqlara mümkün qədər məhəl qoymamağa çalışır. Lakin, çimərliyə gedən zaman baş verən dramatik bir hadisə, mövcud qırğınlıqları ağrılı şəkildə önə çıxarır.

Rəhimə Hacıyeva – Xətti Prodüser
“Axşama doğru”
(Kann kino festivalı – Tənqidçilər həftəsi) 

Fiziki yaxınlığın heç də mənəvi yaxınlıq anlamına gəlmədiyini düşünən cütlük şəhərdən kənarda bir ailə tədbirinə yollanır; Dünyəvi bir məsələ üzərində fikir ayrılığı onları ayrılmağa sövq edir, gözlənilməz, lakin təxminedilən bir kəşflə qarşılaşdırır.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir