Təhminə Rafaella – Qadın

Cavan, müasir ana özü kimi təzadların yol ayrıcında yerləşən, müsəlman olduğu qədər dünyəvi, mütərəqqi olduğu qədər ənənəvi Bakıda, Azərbaycanda – öz yerini tapmağa çalışır. Həm ənənəvi, həm də müasir qadın rollarının xüsusiyyətlərini özündə təcəssüm etməyə çalışan, bu zaman azad seçim ya məsuliyyət hissi arasında qalan filmin qəhrəmanı bir gün ərzində ana, övlad, həyat yoldaşı rollarını yerinə yetirərkən özü ola bilmək uğrunda mübarizə aparır.

Film 2020-ci il “Palm Springs” qısametrajlı film festivalında “Ən yaxşı xarici film“ kateqoriyasında mükafata namizəd göstərilmişdir.

“Palm Springs” qısametrajlı film festivalı ABŞ-ın Kaliforniya ştatının Palm Springs şəhərində keçirilən, Oskar ve BAFTA mükafatlarının seçim mərhələsini müəyyən edən əsas qısametrajlı film festivalından biridir. Bu il dünyanın dörd bir tərəfindən festivala təqdim olunan 6.000 film arasından festivalda iştirak üçün 332 qısametrajlı film seçilmişdir. Sözügedən filmləri 16-21 iyun tarixlərində festivalın internet səhifəsində izləyə bilərsiniz.
Ad: Qadın
Rejissor/Yazar/Prodüsser: Təhminə Rafaella
Kinematoqraf: Daniel Quliyev
Rollarda: Təhminə Rafaella, Zaur Şəfiyev, Səid Məmmədov, Vidadi Həsənov
Dil: Rus və Azərbaycan (İngiliscə subtitrlərlə)

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir