Ahmedowsky Trio sayca ilk LP albomu olacaq “Caspian Broadcasting”in tizerini yayımlayıb. Ahmedowsky Triodan VarYox-a verilən məlumata görə albom iyunun 22-si işıq üzü görəcək.

Albom “101 Moon Ave” leybli ilə yayımlanacaq. Albomun prodüseri Orxan Atadır. Albomun outrosu olan və albomla eyni adı daşıyan “Caspian Broadcasting” trekində Orxan Atanın qısa bir nitqi yer alıb.

10 mahnıdan ibarət olan digər adı “Blue album” olan “Caspian Broadcasting”in səs mühəndisliyini Seymur Əliyev edib. O həmçinin öz musiqiçi fəaliyyəti ilə də tanınır. Albom “360 music production” studiyalarında 3 ay ərzində işlənib.

Musiqi tərzi isə neofank, caz-muğam və asid caz stilində olacaq.