Gerikonun gəmi qəzasına qayıdış – Qaçqın və miqrantlar

Goethe-Zentrum Baku qaçqın və miqrantlar haqqında sərgi ilə payız proqramını açacaq.

 

Müharibə, təqib və iqtisadi böhranlardan qaçan insanların sayı heç vaxt bu gün olduğu qədər olmayıb. Bu gün dünyada təxminən 60 milyon insan qaçqındır. 2017-ci il ərzində hər gün orta hesabla 42,500 nəfər məcburi olaraq yaşadığı ərazini tərk edib.

 

Çox böyük həddə çatmış qlobal miqrasiya təkcə müharibələr və daxili münaqişələrdən qidalanmır, burada həm də iqlim dəyişikliyi rol oynayır.

 

Hazırda Avropaya gələn qaçqınlar yəqin ki,  böyük miqrasiya dalğasının sadəcə ilk müjdəçiləridir.

 

Gerikonun gəmi qəzasına qayıdış. Qaçqın və miqrantlar  Goethe-Zentrum Baku-nun direktoru Alfons Huq və Əsli Səmədovanın kuratorluğu ilə təşkil olunan sərgi bədii vasitələrdən istifadə edir, poetik yanaşmada mərkəzləşərək miqrasiya mövzusuna müraciət edir. Beləliklə, sərgi qaçqınlara öz individual səs və tarixlərini yenidən qazandıraraq onları adətən göründükləri anonim kütlədən azad etmək məqsədini daşıyır.

 

Bu mövzunu sensasional şəkildə istismar edən kütləvi informasiya vasitələrindən fərqli olaraq, rəssamlar kontr-obrazlar istehsal edərək qaçqınlara öz ləyaqətlərini qoruyub saxlamaq ixtiyarını verən yumşaq tonlarla oynayacaq.

 

 

Aryan Martins yaratdığı böyük freskasında Atlantik okeanında keçən tarixi miqrasiyaların izlərini araşdırır, bura o həm də “Orta Keçid” (milyonlarla afrikalının Atlantik qul ticarəti çərçivəsində gəmilərlə Yeni Dünyaya göndərildikləri yolların keçdiyi üçbucaq okean sahəsi) adlanan qul ticarətinin marşrutlarını əlavə edir. Sitara İbrahimovanın individual miqrasiya mövzusunda hazırladığı araşdırma Kərkənc kəndinin bugünkü  sakinlərinin bənzərsiz təcrübəsindən danışır. Onlar 1989-cu ildə Dağlıq Qarabağdan başlayan məcburi köç nəticəsində o zaman yaşadıqları Ermənistanın şimalındakı  Qızıl Şəfəq kəndindəki evlərini həmin zaman Kərkənc kəndində yaşayan etnik ermənilərlə dəyişməli olurlar. Adad HannaMarsel Odenbax öz videolarında Parisin Luvr muzeyində yer alan Teodor Gerikonun “Meduzanın salı” rəsm əsərindən istifadə edirlər. Rəssam əsərdə bugünkü Mavritaniya sahilinin yaxınlığında Fransaya aid hərbi dəniz freqatının qəzaya uğramasından sonrakı anı təsvir edib.  Ömər Viktor Diop Afrika və Şimali Amerikada qaradərililərin azadlıq hərəkatını canlandıran öz portretlər silsiləsini təqdim edir.

 

Sərgi, 22 Sentyabr 19:00-da, Kapellhausda (28 May küçəsi, 35) başlayır və 18 Noyabr tarixinə qədər davam edir. Sərgi: çərşənbə – bazar günü 14:00-20:00 qədər davam edəcəkdir. Giriş sərbəstdir.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.