Azərbaycanlı müğənni və bəstəkar Dihaj-ın musiqisi Ukraynanın paytaxtı Kiyevdə keçiriləcək Kyiv Lights Fest 2018 adlı Beynəlxalq işıq festivalında səslənəcək. Müğənni, 15 iştirakçı içindən finala yüksələn və qalibiyyət üçün mübarizə aparacaq Kiyev komandasının xahişi üzərinə xüsusi olaraq 3D mappinq performansı üçün yeni trek yazıb.
Kyiv Lights Fest artıq ikinci dəfədir keçirilir. Bu 3 günlük işıq, instalyasiya, proyeksiya və 3D mappinq şousu festivalıdır. Şəhər, dünyanın ən yaxşı media-rəssamlarının əsərlərindən ibarət olacaq böyük incəsənət qalereyasına dönəcək. Bu il Kyiv Lights Fest 2018 mayın 18-dən 20-dək çəkəcək.
Dihaj-ın musiqisinin də daxil olduğu işıq tamaşasını iki dəfə – 18 və 19 may tarixlərində Kiyev çay limanının binasının üzərində izləmək olacaq. Bu performansın əsas ideyası – Kiyev çay limanını parallel dünyaya aparan qapı kimi təsvir etməkdir. Binanın üzərində göstəriləcək ediləcək təsvirlər, qeyri-adi orqanik meşə reallığının abu-havasına həkk olunan, həndəsi memarlıq formaları ilə zənginləşdirilib. Diananın musiqisi təsvirə inanılmaz ritm və əhval, işıq mənbələri isə – parlaq rəng birləşməsi qatacaq.
Ukrayna-Azərbaycan birgə təşkilatçılığının nəticəsində 3 dəqiqəlik fantastik hekayə yazıldı. Çay limanının binası, milyonlarla işıq hissəciyinə dağılacaq, vəhşi sarmaşıqlar tərəfindən udulacaq. Tamaşaçılar ağacları göz önündə böyüyən yaşıl meşə, həmçinin, onları tamamilə başqa məkana aparacaq portal görəcəklər.
