“Oturacaqlar” və “Avropanın Xarabalıqları” filmlərinin təqdimatı

Martın 31-i Salaam Cinemadakı növbəti film nümayişində yeni və perspektivli rejissorları kəşf edin.

 

“OTURACAQLAR”
Orxan Ağazadə
20 dəq Azərbaycan

 

Kərim və Rəna bir-birini sevirdilər, ancaq başqa insanlarla evlənməyə məcbur edilirlər. Bundan sonra onların sevgisi yaşadıqları cəmiyyətdə qadağan olunmuş və təhlükəli olur. Bütün kəndlilərin mobil telefon işlətmək üçün gəlməli olduqları təpədə onlar bir-birlərini hər gün görürlər, amma hisslərini heç cür göstərə bilmirlər. Sevgilərini ifadə etməyin yeganə yolu gecənin qaranlığında parlayan işıqlardır.

 

Treyler: https://vimeo.com/289494170

 

Nümayişdən sonra rejissorla sual-cavab sessiyası olacaq

 

“Avropanın Xarabalıqları”
Rejissor A. Goryainova
50 dəq Belçika
sub AZ, İN

 

Bir-birinə qarşı tərəflərin parçaladığı Avropa Birliyində eyni zamanda qaçqın böhranı və radikal sağ düşüncənin yüksəlişi ilə üzləşən, hər gün kisələrlə düşüncələr, fast-food xəbərlər və aramsız görüntü axını tərəfindən bombalanan insanların bir qrupu məğlubiyyəti qəbul edir, və hər şeyə kənardan tamaşa edir. Avropanın Xarabalıqları, Heiner Müllerin apokaliptik “Die HamletMaschine” (1977) tamaşasında təsvir edilən real, müasir Ofelia/Elektra obrazını izləyir, hansı ki bu həyəcan verici, qaranlıq, düşündürücü və meditativ səyahətin keçdiyi izi formalaşdırır. Müasir günümüzün Ofeliyası dağıdıcıdır, amma güc və istifadə haqda sinik həm də poetik formada danışır… Ciddi ruhi krizis keçirən Avropanın ən qaranlıq künclərindən gələn səs.

 

Treyler: https://vimeo.com/209097285/b3f810f797

 

Giriş 3 AZN

 

Nəzərdə saxlayın ki, tədbir zamanı Salaam Cinema-nın “Şəhərimin havaları” adlı davamlı kollektiv sərgisi qonaqlara açıq olacaq.

 

Rezervasiya etmək mümkün deyil. Biletlər filmin başlamasından yarım saat öncə kassadan alına bilər.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir