Kәndә dünyanı gәtirdik! VarYox komandası Xınalığın bir-birindәn şirin uşaqları ilә әla zaman keçirdi – qraffiti, rәsm çәkmәk, musiqi dәrslәri ilә missiyamıza bir addım da yaxınlaşdıq. İndi isә bu yoldakı növbәti addımızdan danışaq – SәrbestFest! Azәrbaycanı dolaşıb istedadlı balacalarla tanış olmaq, gәnclәrdәki incәsәnәt ruhunu onların özünә kәşf etdirmәk… Bütün bunlar hamısı planımızda var. Bәs siz nә düşünürsünüz? Xınalıqdan sonrakı ünvanımız hara olsun?
Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.
Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.
