taf LAB 2019-cu ildə Bakıda yaranmış elektron musiqi platformasıdır. Bugünə qədər yerli və əcnəbi artistlərin iştirakı ilə müxtəlif andeqraund musiqi janrlarında 15 tədbir təşkil etmiş komanda 7 Martda 1 yaşlarını möhtəşəm musiqi bayramı ilə qeyd edir.
Tədbirə Moskva “Sdvig”-dən Yury Rets, A/DV, Tbilisidən “Clinical Hates” və Peterburqdan “Yeahlena” dəvət alıb.
Yerli səhnəni isə Hazi Karim, Reef və Cosmodust təmsil edəcəyi tədbir Skalodromda baş tutacaq.
Musiqiçilər
Yury Rets – DJ və musiqi prodüser, “Sdvig” proyektinin təsisçisi..
Onun musiqisinin məqsədi öz enerjisini auditoriyaya ötürmək,yaratdığı atmosfer ilə dinləyiciləri rəqsə sövq etməkdir. Və o, möhtəşəm seleksiyası,”groove” və ritmi ilə bu məqsədinə çatmağı çox yaxşı bacarır.
A/DV – Moskvalı DJ
Onun musiqisinin sərhədləri yoxdur və böyük pleylistə sahibdir. 2017-ci ildən səhnəyə çıxan DJ, Moskva və Sankt Peterburq klublarında mütəmadi olaraq çıxış edir. 90-ların analoq sintezator və zərb səslərindən ilhamlanan A/DV-in setləri müxtəlif techno, acid və electro groove kimi janrları əhatə edir. Onun vinil kolleksiyasında müasir və old school techno, acid grooves, electro, industrial və hətta EBM-ə rast gəlmək olar.
Yeahlena – ACE Tone Berlin qrupunun üzvü
9 yaşından Dnb radioya qulaq asmağa başlayan Yeahlena-ın playlisti daha sonralar caz, soul, funk kimi janrlarla zənginləşir. O, hazırda Peterburq andeqraund partilərində və Berlin ACE Tone-da (Podkast seriyaları və partiləri) səhnə alır. Bundan başqa o mütəmadi olaraq Radio8k-də çıxış edir.
Clinical Hates – Tbilisidə yaşayan DJ, prodüser, SCTR üzvü, Belieri Records-un təsisçisi
Bugünə qədər 5 EP albomu və müxtəlif beynəlxalq leybllarda 5 podcastı çıxan artist, Tbilisi underground səhnəsində Khidi, Cafe Gallery kimi klublarda çıxışlar edir.
