Tələsin! Tbilisi Open Air vaxtıdır!

21-22-23 İyun tarixlərində Tbilisi Open Air festivalı 10-cu ildönümünü qeyd edəcək. Festivalın bu dəfəki sloqanı “Bərabərlik və Müxtəlifliyin 10-cu ildönümü”-dür. Festivalda Mogwai, Franz Ferdinand, David August, The Subways, Michele Gurevich kimi məşhur musiqiçilər iştirak edəcək.

 

Tbilisi Open Air, 2009-cu ildən etibarən hər il Gürcüstanın paytaxtı Tbilisidə keçirilən musiqi festivalıdır. Daha çox rok və elektronik musiqi tərzinə köklənən festival, hal-hazırda Qafqazın ən böyük musiqi festivalıdır. Əsasən bir neçə günlük açıq tədbir formasında keçirilir. Tbilisi Open Air təşkilatçılarının fikrincə festivalın arxasında dayanan əsas ana fikir azadlıqdır. Hər il festivala qatılan insanların sayı 30-45 min arası dəyişir.

 

İlk dəfə 2016-cı ildə azərbacanlı qrup Dihaj, 60-dan çox musiqiçinin iştirak etdiyi festivalın əsas səhnəsində Air, Morcheeba kimi məşhur qruplarla eyni səhnəni bölüşüb.

 

Bu il Azərbaycandan iki DJ; Cestlek və Mozzy festivalda iştirak edəcək.

 

İlk mərhələdə (19 mart – 7 aprel) satışa çıxarılan məhdud biletlərin (1500 ədəd) qiyməti 125 lari təşkil edir. 1 biletin yekun qiyməti isə 180 laridir.

 

Biletləri əldə edin: https://tkt.ge/openair

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir