Narkoloji dispanserdə yoqa terapiyası

Şərq fəlsəfəsi əsrlər boyu insanlardan gizlin qalıb. Taoizm, Buddizm və Caynizm kimi təlimlərin Qərb dünyasından uzaqlığı və daha çox spiritual olmasına görə populyarlaşmağı çox uzun zaman çəkib. XX əsrin ortalarında isə qərbə ayaq açıb. Əsasən meditasiya üzərində təkmilləşmiş yoqa uzun əsrlərdən sonra artıq təkcə şərqin ənənəsi deyil, həm də bütün dünyada rahatlıq və sakitliyə gedən yol kimi görülür.

Müsahiblərimiz Lesli Qrey və Əmirə Mənsurdur. Onlar uzun müddətdir ki, yoqa təlimi ilə məşğuldurlar amma buna fərqli bir aspektdən yanaşırlar – asılılıqlardan qurtulmaq üçün yoqanı məsləhət görürlər. Lesli özü şəxsən 8 ildir ki, yoqa təlimçisidir. Leslinin sözlərinə görə yoqa hər cür insana kömək edə bilər – stresli, depressiyalı və ya sadəcə kədərli. Meditasiya və bədənimizlə yenidən əlaqədə olmaq, hətta sadəcə nəfəs alıb-vermək belə bizə ilk addımı atmağa kömək edə bilər. Yoqa təlimçilərinin sözlərinə görə asılılıqlar bizim bədənimizdə özlərinə yer edir və biz bu asılılıqlardan qurtulmaq istərkən özlərindən sonra bir boşluq qoyurlar. Yoqa bu boşluğu əvəzləmək üçün əla vasitədir, ən azından başqalarına zərər vermir.

“Mədəni Niyyət”in yeni layihəsi ilə tanış olun – yoqa təlimi və onun vasitəsilə asılılıqlardan qurtulmağa çalışmaq, reabilitasiyadan uğurla keçmiş şəxslərin cəmiyyətə yenidən inteqrasiya etməsinə dəstək olmaq əsas məqsədimiz olacaq!

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.