Rəcəb Əliyev – Dağların Başı / Xinalig Edition

Rəcəb Əliyev 1990-cu ildə Bakıda anadan olmuşdur. Memarlıq və Urbanstika istiqamətləri üzrə təhsil alıb. Karyerası boyu bir sıra iri tikinti və dizayn layihələrində işləyib.

 

Transcultural ArtLab, Easa Cadiz, Fondazione Del Bianco təşkilatçısı ilə beynəlxalq vörkşoplarda iştirak edib. FAZA art rezidensiyasının təsisçisidir.

 

Hal-hazırda Rəcəb, inkişaf üçün yeni istiqamətlər seçir. Spekulyativ dizayn və tikilmiş mühütün cəmiyyətə təsiri mövzuları üzərində işləyir.

 

Hobbi olaraq isə musiqi bəstələyir.

 

3 həftə ərzində, dağların başında, Xınalıq sakinlərinin və qonaqların qovuşduğu içtimai məkanın dizaynı və tikintisi üzrə Nərgiz İbrahimova ilə birlikdə vörkşop təşkil edəcək. Məkanın tikintisində dayanıqlı materiallardan istifadə olunacaq, yerli sakinlər yeni tikinti texnologiyalarını öyrənəcəklər. Həmçinin Xınalıq sakinlərinə bu vörkşoplar çərçivəsində yeni növ əl işləri hazırlama texnologiyaları da öyrədiləcək.

 

 

Rəcəb Əliyev

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir