Nick Devon – 23 Fevral

Afinalı Nikos Xrisulakis (Nikos Chrysoulakis) 20 ildən artıqdır ki, elektron musiqi ilə məşğul olan DJ və prodüserdir, Nik Devon (Nick Devon) təxəllüsü altında çıxış edir. Onun musiqi aləminə səyahəti 16 yaşından başlayır. Məhz bu yaşlarında Nikos notları səsləndirə bilən oyuncaq pianolar və digər alətlər üzərində təcrübə aparmağa başlayır. Tezliklə atasının vinil plastinləri ilə oynayaraq DJ-lik və prodüserlik bacarıqlarına yiyələnir.

 

Yaradıcılığa zərb və bas (drum & bass), həmçinin trans üslübu ilə başlasa da sonralar fəaliyyətini elektronik və texno musiqi tərəfə yönəldir. Bir çox element və üslubları birləşdirmək bacarığı da məhz burdan gəlir. Onun unikallığı və özünəməxsusluğu ilə seçilən tünd, hallüsinogen melodik saundu şəxsi studiyasındakı rəqəmsal, analoq və fiziki alətlərin kombinasiyasından yaranır. Bu möhtəşəm bacarıq ona dünya səhnəsindəki yüksək nüfuzlu peşəkarlar arasında da hörmət qazandırıb. Əvvəllər vinil DJ-i olmuş Nik, həm də həvəskar plastinka kolleksioneridir və hələ də çoxlu sayda köhnə və yeni plastinkaları özündə saxlayır. O, öz sevgisini bu plastinkaları konsertlərinə və setlərinə əlavə etməklə zənginləşdirir.

 

2010-cu ildə rəsmi olaraq fərdi layihəsinə start verən Nik Devon, o vaxtdan bəri rəqs meydançalarını titrədən, həm də eyni anda cəzbedici sədalar və emosional səs kollajları sayəsində insanları öz hekayələrini yaratmağa təşviq edən musiqi yaratmağa başlayır. O vaxtdan bəri Nikin karyerası sürətlə inkişaf edir, “Poema” (The Poem) və “Kosmos” (Cosmos) adlı iki mükəmməl EP albomunun işıq üzü gördüyü 2015-ci il onun ən uğurlu dövrünə çevrilir. Qısa müddətdən sonra 2016-cı ildə onun İnneleanın “Colante” albomuna etdiyi remiksi işıq üzü görür. Bu 3 albomun “Steyoyoke” leybli tərəfindən yayımlanması isə Nikin niyə bu Berlində yerləşən kollektivin əsas üzvü sayılması sualına bir cavab oldu. Nik Devonun trekləri Kellerkind, Rolland Appel və Cid Inc kimi musiqiçilər tərəfindən remiks edilib, pərəstişkarlarının durmadan çoxaldığı musiqisi isə mütəmadi olaraq dünya müstəvisində ən seçilən DJ-lər tərəfindən ifa edilir. Karyerası boyunca Nik “iRecords”, “Union Jack”, “3AM”, “Blindfold Recordings”, “Us & Them”, “Steyoyoke” və “Inside Out” Records kimi leybllər vasitəsi ilə orijinal musiqilər və remikslər buraxıb. Üzümüzə gələn relizlərin həsrəti ilə yəqinliklə Nick Devonun bizim üçün bəzi maraqlı şeylər saxladığını deyə bilərik.

 

Fevralın 23-ü isə Nik Devon Bakıda, “Sektor 8″də ifa edəcək!

Nick Devon

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.