Residents Night – 23 Mart

Mairo Kompos – “Kwartz” səhnə adlı ispaniyalı DJ və musiqi prodüseri, “Order&Devotion” leyblının təsisçisi və “PoleGroup”-un üzvü.

 

2011-ci ilin axırları və növbəti dövrlərdə bir sıra müxtəlif maraqlı leybllarda işıq üzünə çıxardığı EP-ləri ilə o, beynəlxalq səhnədə aparıcı adların diqqətini çəkməyə başladı.

 

2013-cü ildə o, Exium cütlüyü ilə bir araya gələrək «Fenomen» adlı ilk vinil EP-ni yayımlamışdır.

 

Elə həmin il Kwartz, Oskar Muleronun başçılıq etdiyi “PoleGroup”a qoşuldu və müntəzəm olaraq treklərini burada buraxmağa başladı.

 

“PoleGroup”a əlavə olaraq, onun musiqiləri “47”, “Mord Records”, “ATT Series”, “NEWRHYTHMIC”, “Clergy” və “Warm Up Recordings” kimi dünyaca məşhur leybllarda işıq üzünə çıxır.

 

O, Tresor, “KHIDI”, “Griessmuehle”, “Razzmatazz”, “Smolna”, “://about blank”, “H7 Warehouse”, “Fabrik” kimi klublarda etdiyi çıxışları ilə öz unikal tərzini ortalığa qoymuşdur.

 

2016-cı ildə o, “Order&Devotion” adlı öz leyblını təsis edir və qaranlıq, dərin ab-havalı amma eyni zamanda rəqs meydançası üçün nəzərdə tutulmuş əsərlərini yayımlamağa başlayır.

 

Kwartz artıq rezident olaraq ikinci dəfə iN üçün Bakıya gəlir.

Kwartz

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.