Tbilisi İncəsənət Sərgisi – “Qadın Olmaq”

2019-cu il 17-19 May tarixlərində Tbilisi İncəsənət Sərgisində (TAF) Azərbaycanlı rəssamların əsərlərindən ibarət “Qadın Olmaq” adlı video incəsənət sərgisi keçiriləcək.

 

Azərbaycan qadınlarının azadlıq hərəkatının 100 illik yubileyinə həsr olunacaq sərgidə 10 müasir azərbaycanlı rəssamın gender məsələlərini özündə əks etdirən əsərlərindən ibarət “Qadın olmaq” adlı müasir video incəsənət sərgisi keçiriləcək. 17-19 May tarixlərində baş tutacaq sərgi, Tbilisi İncəsənət Sərgisi (TAF) ilə əməkdaşlıq çərçivəsində Birləşmiş Rəssamlar Klubu (BRK) və Azərbaycan Rəssamlar İttifaqının (ARİ) egidası altında keçiriləcək.

 

Azərbaycanın əməkdar rəssamı Səbina Şıxlinskayanın təşəbbüsü və müəllifliyi ilə baş tutacaq video sərgi layihəsi 17 may 2019-cu il tarixindən açıq olacaq.

 

 

“Qadın olmaq” Aqil Abdullayev, Bəhram Xəlilov, Çinarə Məcidova, Leyli Salayeva, Leyli Qafarova, Nəzrin Məmmədova, Sabina Şıxlinskaya, Sitara İbrahimova, Teymur Daimi, Vüsal Rəhim kimi on müxtəlif rəssamın gözüylə müasir incəsənət prizmasından gender bərabərliyi məsələlərinin son 100 il ərzindəki inkişafına dair fikir və düşüncələri əks etdirir, eləcə də dünya ictimaiyyətində qadınların güclənməsinin vacibliyi və bu mövzunun ən aktual suallarına cavab vermək məqsədi daşıyır.

 

Qeyd: Mətn Teymur Daiminin keçiriləcək tədbir ilə bağlı yazdığı məqalədən çıxarışdır.

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.