“Baku Street Dog Rescue” Paris və Nyu-Yorka uçan dostlar axtarışındadır. Məqsəd Bakı küçələrindən xilas edilmiş sahibsiz it və pişiklərin öz yeni evlərinə qovuşmasıdır. Bunun üçün onların əlavə baqajınız kimi səyahət etməsi vacibdir. Proses çox sadədir və siz heç bir xərc çəkmirsiniz:
- Uçuş tarixinizlə bağlı məlumatı ən qısa zamanda BSDR-a göndərin;
- BSDR it və pişikləri sizin adınıza qeydiyyatdan keçirir – it və pişiklər əlavə baqaj kimi qeydiyyatdan keçirilir və bununla bağlı bütün xərclər bizim tərəfimizdən ödənilir;
- BSDR könüllüləri sizi Bakı Heydər Əliyev adına Hava Limanında qarşılayır, qeydiyyatınıza kömək edir və itlərlə bağlı müvafiq xərcləri ödəyir;
- İtlər hava limanı personalı tərəfindən təyyarəyə aparılır, dolayısı ilə siz itlə təmasda olmursunuz;
- Parisə çatdıqda itlərin olduğu qəfəslə birgə gömrük xidmətinə yaxınlaşırsınız;
- BSDR könüllüləri sizi Nyu York və ya Parisdə, hava limanında qarşılayır və itləri sizdən təhvil alır.
Baku Street Dog Rescue – Facebook səhifəsi
Mədəni Niyyət – Facebook səhifəsi
Telefon: +994 55 307 49 09
