Nərgiz İbrahimova 1991-ci ildə Bakıda anadan olmuşdur. 2012 ci ildə Azərbaycan Dövlət Memarlıq Universitetini bitirən Nərgiz, bu müddətdə fərqli ölkələrdə memarlıq və reklam sahəsində bir çox müsabiqə və vörkşoplarda iştirak etmişdir. 19 yaşından həm qrafik dizayner, həm də PR və marketinq sahəsində işləyir.
Hal-hazırda Ninka cards şirkətinin rəhbəri olan Nərgizin üzərində işlədiyi layihələr Azərbaycan mədəniyyətinə həsr olunub. Memar dostu Rəcəb Əliyev ilə birlikdə hal-hazırda Xınalıqda, “Dağların Başı” lahiyəsində iki fərqli vörkşop üzərində işləyir.
Vörkşop çərçivəsində, onlar ilk olaraq yerli əhaliyə dağlarda bitən gülləri və epoksid adlı maddəni istifadə edərək bəzək əşyaları hazırlamağı öyrədir.
Onlar eyni zamanda gələcəkdə yerli camaatın öz əl işlərini sata bilməsi üçün nəzərdə tutulmuş teleskop meydançasının tikintisini də planlaşdırır. Festival zamanı isə bu meydança səhnə kimi istifadə olunacaq. Nərgiz və Rəcəb hal-hazırda səhnə kimi istifadə olunacaq meydançanın tikintisi üzərində işləyir.
