Newa – 9 Mart

Klassik musiqi təhsili almış və caz musiqisi ilə yetişmiş Ana Kublaşvili 2012-ci ildə Tbilisidə elektronik musiqiyə başlayanda özünə “Newa” (Niua) təxəllüsünü götürür. Çox keçmədən sürətlə inkişaf edən Gürcüstan elektronik musiqi səhnəsinin öncül musiqiçilərindən birinə çevrilir.

“Newa”nın, sırf texno istiqamətində olan ilk relizi “AC” EP albomu olub. Bu albom isə “Blackbird Records”da çıxıb və 2013-cü ildə “Electronauts” elektronik musiqi mükafatlarında ilin ən yaxşı EP albomu nominasiyasında qalib olub.

2016-cı ildə o, növbəti işini Varg (Varq), Abdulla Rashim (Abdulla Raşim) və Avi Musaifi kimi artistlərlə birlikdə gürcü leyblı “Bassiani Records”da işıq üzü görüb. Sonralar başqa bir gürcü leyblı “Icontrax”la işləyib.

“Newa”nın trekləri “Semantica”, “Sub.Spiele Records”, “Chineurs de Techno”, “Reclaim Your City” kimi leybllarda da işıq üzü görür.

Ben Klokun leyblı “Klockworks”də yayımlanmış ilk qadın prodüser kimi o, öz dinamik və enerjili DJ setləri ilə ADE (Amsterdam Dance Event) – Amsterdam Rəqs tədbirindən tutmuş, Benin “Photon” elektronik musiqi tədbirləri seriyası, “Awakenings”, Berlinin “Berghain”, Tbilisinin “Bassiani”, “Khidi”, Amsterdamın “Gashouderi” (Qaşuderi), Monpelyerin “Institute” klubuna qədər fərqli yerlərdə unudulmaz çıxış etmişdir. Martın 30-u Newa “Photon” seriyasında “Dax J” (Daks Cey), Ben Klok, KiNK, Rødhåd (Rödhəd) və FJAAK (Fyaak) kimi DJlərlə birlikdə Londonun “Printworks” klubunda səhnə alacaq.

Əsasən qaranlıq və hipnotik texno janrında mikslər edən Newa-nın, texniki bacarıqlar və səmimi hisslər üzərinə qurulmuş musiqisi, dərin bas səsləri və batıq melodiyaların harmoniyasından ibarətdir. Klassik texno ilə yanaşı mövcud tərzi də birləşdirərək ortaya əsl dinləniləsi musiqi çıxarır.

Newa artıq 3-cü dəfə iN üçün Bakıya gələcək.

Foto: Julien Vidal

Newa

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir.