Faiq Əhməd – Dağların Başı / Xinalig Edition

Bu gün Azərbaycanda xalça rəssamlığı deyəndə ağla gələn ilk rəssamlardan biri Faiq Əhməddir. Faiqin xalçaya olan unikal estetik yanaşması rəssama eləcə də dünya miqyasında şöhrət gətirib. Bakıda yaşayan rəssam Azərbaycan Dövlət Rəssamlıq Akademiyasının heykəltəraşlıq fakultəsinin məzunudur. 2007-ci ildə Faiqin əl işi Venesiya bienalı çərçivəsində Azərbaycan pavilyonunda nümayiş etdirilmiş və 2013-cü ildə o, İslamın vizual ənənələrindən ilhamlanmış müasir incəsənət əsərlərinə verilən prestijli Viktoriya və Albert Muzeyinin (London, Böyük Britaniya) “Jameel” mükafatına layiq görülmüşdür. Eləcə də dünyanın bir çox adlı-sanlı muzeylərində və bir çoxlarının şəxsi kolleksiyasında onun əsərlərini görmək mümkündür.

 

Faiq Əhməd daha əvvəl VarYox-un təşkil etdiyi festivallarda və görüşlərdə iştirak etmişdir. Hal-hazırda VarYox və Turizm Agentliyinin ortaq layihəsi olan Xınalıq proyektində isə Faiq öz nəzəri təcrübələrini Xınalıq icması ilə bölüşəcək. Rəssamın xalça ənənələri ilə bağlı olan dərin bilgisi və eləcə də yerli əhalinin ənənəvi xalça bilgisinin birləşməsi nəticəsində ortaya yeni gözəl işlərin çıxacağına inanırıq. Layihə boyunca Faiq digər rəssam və memarlarla birgə vörkşoplarda da yaxından iştirak edəcək.

 

  • Daha əvvəl amerikalı kurator Lesli Qrey-in Şəkilçəkən rubrikasında Faiq Əhməd haqqında yazdığı yazını oxuyun: Faiq Əhməd.

 

Faiq Əhməd

Salam, biz VarYoxuq. Bizi birləşdirən bir dəyər var – incəsənət və mədəniyyətimizi fərqli rakurslardan göstərmək və inkişaf etdirmək istəyi. Biz keçmişin mədəni və incəsənət nailiyyətlərinin kölgəsində gizlənmək istəmirik, yeni uğur, yeni təşəbbüs, qısası yeni nəfəs axtarırıq.

Fəaliyyətimizin ilk 2 ilində müxtəlif şirkət və təşkilatlardan maddi dəstək alsaq da, son 1 ildir ki, özümüz özümüzü kommersial layihələrlə maliyyələşdiririk. Təəssüf ki, bu imkanlar həmişə əlçatan deyil və artıq siz sadiq izləyicilərimizə üzümüzü tutmaq məcburiyyətindəyik. İndiki məkanımız bizim üçün sadəcə iş yeri deyil. Bura həm müxtəlif tədbirlərimizi, canlı yayımlarımızı etdiyimiz studiyadır, həm də bir araya toplanmaq, müxtəlif ideyalar arasında breynstorminq etmək və nəticədə keyfiyyətli, faydalı işlər görmək üçün komandamızı birləşdirən yaradıcı məkandır. Hal-hazırda məkan xərcləri və bu kimi məsələlər üçün dəstəyinizə ehtiyacımız var. İtirsək, artıq əvvəlki kontentlər bizdən asılı olmadan zamanla ləngiyəcək və bəlkə də davam edə bilməyəcək. İnanırıq ki, siz də bizim kimi bunu istəməzsiniz. Ona görə də bizə dəstək olmaqdan çəkinməyin.

Bunlar da xoşunuza gələ bilər

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir